csl 網速大比拼

近日有報章進行咗一次網絡測試，csl 竟然係包尾，csl 覺得冇可能，所以係今個禮拜六同日下午四點到六點，在港九三個地方進行一個公開測試（旺角西洋菜街csl 旗艦店、銅鑼灣SOGO後面同尖沙咀海防道 csl 攤位），俾大家帶埋自己唔同台嘅手機去同 csl 比試速度，如果贏咗就可以攞走 10000分 The Club Point ，每日送出最多10萬分，就算輸咗都會送返50分俾你。

如果本身係用緊 csl 嘅用戶，只要係測試入面，測試到100Mbps 就會送出100分，200Mbps 就會送出200分 The Club Point，如此類推。

究竟 The Club Point 有乜用？可以換機票、演唱會飛、連最新嘅任天堂 Switch 遊戲機都有，仲有好多其他野可以換，詳情可以上官網睇睇。