品勝 電霸II 流動充電池

我哋手上依家嘅流動電子裝備越來越多，重越來越大食，出到街個電話無電仲慘過荷包無錢，暫時比較好嘅解決方法都係帶嚿流動充電池係身，我一直都唔想買啲太貴嘅，而呢一隻係淘寶只係賣緊百二蚊人仔左右，容量有 4,400mAh，輸出可以去到 5V/1A。

其實品勝啱啱出左一嚿專 for 蘋果嘅版本，容量仲去到 5,000mAh，不過竟然間價錢貴左一半，附贈嘅連接線仲由 4 條變成 2 條，你話啲公司幾識做生意呢！所以我都係買番個舊款就算嘞。

呢嚿電仲有個好處，就係佢係背脊有一個可以撥出黎嘅扁腳電源插頭，就咁就可以叉到電，唔使帶火牛。（乜扁腳係香港插得入嘅咩？係呀，插唔入架！我都無話係香港用！）

折開外殼，入面有兩粒 18650/2200ma 鋰電池，零件都算齊齊整整，平平地收貨啦！

點選相集就可以看到更多相片。