Hello Kitty 研究所手機繩

雜誌送禮物時間又到喇，今次係由 Hello Kitty 研究所高科技研發嘅手機繩。點高科技法？

咪就係原本用唔到手機繩嘅 iPhone 4 都用到嘅手機繩囉，仲有兩隻色添！紅色配黑色、黑色加銀色，連兩支鑼絲批都襯埋色。

咁究竟點樣令 iPhone 4 用到手機繩呀？就係用兩支高科技全自動(自已動手)鑼絲批，將 iPhone 4 機底個兩粒低科技鑼絲拆走，換入兩粒高科技鑼絲，將成條手機繩裝落 iPhone 4 個屁股度囉！而且啲高科技鑼絲有成 3 粒咁多，就算你上上下跌咗粒，都無問題！