不淘不快

text: Yesun | photo: Yesun | post on: 01-Jan-2012

唔知大家有冇上淘寶買嘢，我差唔多日日要上去望下先至安樂，至於幾時開始我都唔記得喇，我開始淘嘅時候主要係買啲攝影嘅輔助工具，依家買下買下連個環保袋都上去買。

好多人以為上淘寶買野主要係平，平只係其中一個原因，最大原因係選擇實在太多，而且尋找過程中真係有啲尋寶嘅感覺。

香港搵啲立雜野，間間鋪頭啲貨品都差唔多，呢間睇唔啱，下一間都係呢啲貨。

啲格仔舖中衰，啲貨差唔多全部都係淘寶見到嘅，我上淘寶買嘢主要係搵啲香港搵唔到嘅嘢，好似以下呢支何以無段咁調校光度同色溫嘅錄影燈，係香港係搵唔到同類嘅產品。

自從香港工業北移，我呢啲鍾意自己DIY既人，搵啲稍為冷門啲嘅原材料都好難搵到，就算搵到都超貴，但係去到世界工廠就真係物料都有。