平價雙動圈耳機 BRAINWAVZ R1

之前有朋友係網上買左一隻雙動圈耳機，初步聽過覺得唔錯，所以我都買咗隻黎詳細測試下。

隻耳機雖然平，但係配件跟得相當之足，有個便攜盒，兩個轉插、大中細耳膠各兩對，重有一對記憶耳棉同兩截耳膠一對。

隻耳機未㷛都聽得下嘅，㷛完啲低音多咗好多。重有配合唔同嘅耳膠同帶嘅位置有些少改變，聲都有明顯既分別，真係要逐粒耳膠慢慢試清楚。

聲音方面，空間定位同中高音嘅表現，都算唔錯，不過最突出嘅係低音，只要配合倒啱嘅耳膠，低音量同質都相當好。

我手上呢一對耳機，同之前嘅版本有少少改動，條耳機線變咗可以掛耳，道管上邊加咗濾網。

缺點方面，隻耳機嘅音壓比較大，聽得耐會比較攰。

如果有興趣可以去以下網址購買。
http://www.mp4nation.net/catalogsearch/result/index/?cat=8&q=R1

如果你話，都唔係好平遮，咁你可以再等等，因為佢耐唔耐會減下價，我都係等減價嘅時候買嘅。

點選相片集可看到更多相片。