Audio Technica ATH-WM77 便攜式耳筒

大部份人用藍芽耳筒聽歌，都係為咗貪方便，唔想有條耳筒線阻住。我就覺得聽緊嗰陣，條耳筒線都唔係好麻煩，反而係攞隻耳筒出來用同收埋嗰陣，條線先係最麻煩嘅，以下介紹呢隻耳筒就解決咗呢個問題。

呢隻耳筒條線，就咁直接拉出嚟，拉到想要嘅長度，唔用嗰陣，只要插返個3.5mm頭入去，擰一擰，條耳筒線就會自動縮返入去，相當方便。

隻耳筒一共有四個顏色可以選擇，每隻顏色都有一對唔同顏色嘅蓋，俾你襯番。

至於聲方面，隻耳筒未㷛同㷛好之後相差好遠，新開聲嗰陣非常之唔平衡，啲低音一嚿嚿，㷛咗百幾個鐘之後就正常返好多，分析中等，音場唔錯，低音量係有嘅，質就一般，始終係一隻平價耳筒，唔可以要求太多。

點選相片集可看到更多產品相片。