JVC HA-NC120 便攜主動降噪耳機

今次為大家介紹一隻平價主動降噪耳機，JVC HA-NC120 定價只係港幣$688。

隻耳機有好多個活動關節，鍾意點接都得。

因為關節活動範圍大，所以帶得幾舒服。

降噪部份只需要用一粒AAA電池。

用咗自動卷線設計，攞出來用同收埋都相當之快。

配件方面有一個袋，一粒AAA電池同埋一個轉插。

隻耳機效率好高相當之易推，啱晒駁手機用。聲音方面，分析力同音場中等，低音屬於多但唔渾濁，音色係呢個價錢黎講算做唔錯。個降噪功能唔算好強，不過開唔開對音色同音量都冇乜影響。

點選相片集可看到更多相片。