Toshiba FlashAir Wi-Fi SD咭

依家好多新相機都有 Wi-Fi 功能，方便大家影完相，即時上傳Facebook ，如果你手上部相機無 Wi-Fi 功能，又唔想換機住，買張 Wi-Fi SD 頂住先，都係一個唔錯嘅方案。

而家市面上都有唔少嘅 Wi-Fi SD，最早期嘅 Eye-Fi 兼容性最好，但係要開左個戶口先，設定比較麻煩，對於多件裝置同時使用唔太方便。

而家介紹了一張Toshiba FlashAir Wi-Fi SD，操作同設定都非常簡單，如果你懶嘅話，可以乜都唔做，立刻用都得。

張咭係日本製造

張咭入面有個程式，用來設定張咭嘅，按裝嗰陣有九種語言選擇。

開咗個程式，揀返嗰Dirve。

卡片設定入面第一項，開相機嘅時候自動開埋張咭嘅Wi-Fi，定係用張卡入邊嘅圖片黎控制Wi-Fi嘅開關。
第二項係網絡名稱同密碼，自己中意點改都得。
第三巷係自動休眠時間，唔好設定得太快。


如果你揀咗用圖片黎控制Wi-Fi嘅開關，只要張呢張圖片設定成唯讀，嗰Wi-Fi就會關，取消左嗰唯讀就會開返。

開左張咭嘅Wi-Fi之後，入去手機嘅Wi-Fi設定入面，就會見到張卡。

連接左張卡嘅Wi-Fi之後，打開瀏覽器，輸入 flashair.com 就會見到張卡入邊嘅檔案。

入去資料夾入邊，就可以見到相片嘅縮圖，如果相儲存張相去手機入邊，先點擊縮圖，放大咗張相之後，再長按就可以儲存。呢個方法好處係唔使裝App，缺點係要逐張逐張咁做。

如果裝番官方嗰App，就可以揀多幾張或者一次過全部儲存都得。

儲存速度都相當之快，一張4mb 嘅相三秒左右就完成。

雖然張咭係Class6，其實速度都好快。