iBasso DX50 數碼音樂播放機

我一直想搵一部唔太貴嘅播放器黎試啲中低檔耳機，最近發現咗呢部iBasso DX50。


價錢唔貴，千八蚊搞掂，功能同輸出口都相當齊備，岩岩開聲時略嫌低音少咗啲，煲咗幾日之後就相當平均下。


配件有一張保用咭，一個布袋，一張保護貼，一條同軸線，同埋一條Micro USB線。


部機有除咗有Headphone Out，Line Out仲有同軸數碼輸出，可以播放到24Bit/192kHz，播放時間重去到十四個鐘，如果用1A火牛充電，三個鐘頭就充滿。


而且仲可以換電池，舊電重係Samsung S3 嘅電，唔貴又唔難買。


雖然耭入面得8G容量，但係可以插Micro SD咭，最大重支援到2T。


部機有三個 Gain 可以調教


網上邊聽到好多人話，頭嗰幾版 Firmware 好多問題，我買返來個陣已經係1.22，用落又唔覺有大問題。


如果你問我呢部機有無特點，主要係三樣，價錢平，功能齊，聲音平均。

缺點方面，部機反應略慢。