EOps Noisezero O2+ 橫洲工業版耳筒

早前試過咗呢隻EOps Noisezero O2+，試完重比錢買埋添，以一隻唔使$1000嘅潮流耳筒，聲方面真係交足貨，音牆夠闊，分析力中上，低音重好夠力添。

耳棉相當軟熟，隔音相當唔錯。呢隻係有咪嘅耳筒，用手機黎聽都可以，當然用獨立播放器會更加好啦。

就算啲好貴嘅耳筒，有時都會有啲瑕疵，更何況係一隻唔過千嘅耳筒，所以我做咗少少嘅改裝，令到效果更加好。

首先耳筒入邊有塊裝飾用嘅布，拆咗嘅話可以令到高音更加通透，要拆非常之容易，只要用多少少力就可以將個耳棉折出來，咁就可以攞走塊布。

第二樣要改裝嘅嘢係，張隻耳筒嘅左右單元掉轉，折咗個耳棉之後就會見到四粒螺絲，擰開啲螺絲就可以拆個單元出黎，拆埋另外一邊，左右掉轉然後裝翻就得。

掉轉左之後，像個耳筒摺到好似以下張圖，咁樣帶起上黎會更加貼耳，更加隔音同更加舒服。

仲有多一項比較複雜嘅改裝，就係換咗條耳機線，如果你有呢方面嘅知識同手工，不妨搞搞佢，因為改完之後提升非常之多。

產品規格:  
型號: EOps NOISEZERO O2+ On-ear headphones  
類型: 可折疊頭戴貼耳式耳筒 
耳墊: COMPLYTM 為 NOISEZERO O2+ 度身定製的 COMPLYTM Premium Headphone Pads 記憶綿耳墊 
單元: 封閉式  40mm 低音和 24mm 中高音 雙振膜單元 
頻率響應範圍: 20Hz – 20KHz 
阻抗: 28Ω 
靈敏度: 120dB (1kHz/1 Vrms).  
單鍵式線控麥克風: 可以控制 iPhone和 Android (CTIA規格)智能手機接聽、播歌、免提功能 
顏色: 橫洲工業慈善特別限量版藍色 (此外，正規版也有黑、黑藍、紅、桃紅色可供選擇) 
售價: 港元 $998 (橫洲工業慈善特別限量版和正規版同價)