Philips Fidelio S2 拆咪行動

舊年飛利浦出咗隻口碑唔錯嘅 Fidelio S2，但係網上好多評論都覺得呢隻耳機冇咪就更好，因為我一向都唔會用手機聽歌，所以嗰咪對我黎講真係冇乜用，本著實事求是嘅精神，拆咗個咪，睇吓會有幾多改善。

隻咪一啲都唔難拆，一把介刀就得。

拆開之後，用較剪，剪咗塊線路板，之後黐番好過外殼完成。如果你係熟手技工，成個過程十五分鐘都唔洗，就咁睇外表，改完都無人知。


我借咗一隻全新嘅S2返黎，㷛咗一百五十個鐘頭之後，再同隻拆咗咪嘅做比較，音色冇乜改變，但係立體感同定位有明顯改善，而且聽起上嚟啲聲比較順。


因為有咪嘅隻耳機係用四心插同四心線，所以要改平衡都唔難，但係我手上冇平衡嘅播放器，改咗都試唔到，所以無改到，等到我有平衡嘅播放器先算。