Olympus 123 mini PEN kit set

Olympus 今次非常之大手筆，發佈會禮物竟然係六機八鏡，仲有四隻顏色添，就係以下呢盒喇！之前雜誌送果啲，同今次係唔同色嘅，加埋之前雜誌送嘅，儲埋一套手機繩，就乜色都齊嘞！如果個盒有多四個吉位，可以放埋雜誌送個四款，咁就真係 Fit 嘞！

精美木製禮盒，六機八鏡套裝。

六機兩紅兩銀一藍一白，外加兩支長鏡。

將雜誌送嘅擺埋一齊，銀白黑三色的 E-P1/2。

初時以為兩部機係一樣嘅，點之睇真啲部金色係無 AP2插口，原來係 E-P1。

同樣將雜誌送嘅擺埋一齊，紅白藍三色的 E-PL1。

再將雜誌送嘅擺埋一齊，銀白黑紅四色的 E-PL2，咁先至叫得做齊色。如果一次過將呢套 Olympus 掛晒上同一部手機，都應該幾壯觀。